बसवण बागेवाडी भव्य बसवज्योती पदयात्रेचे मान्यवरांकडुन स्वागत
विजयपूर/ प्रतिनिधी- दिपक शिंत्रे
जगज्योती बसवेश्वरांच्या जयंतीनिमित्त, बसवण बागेवाडी ते विजयपूर येथील बसवेश्वर चौकापर्यंत आयोजित भव्य बसवज्योती पदयात्रेचे शहरातील बसव समिती तसेच सिद्धेश्वर बँकेचे अध्यक्ष रवींद्र बिज्जरगी आणि इतर मान्यवरांनी स्वागत केले.
बेंगळुरूमध्ये वास्तव्यास असलेल्या विजयपूर जिल्ह्यातील हंदिगणूर गावचे बी. बी. पाटील यांच्या नेतृत्वाखाली आणि विजयपूर सायकलिंग ग्रुपच्या सहकार्याने ही पदयात्रा आयोजित करण्यात आली होती. काल रात्री बसवण बागेवाडी येथून सुरू झालेली ही पदयात्रा मसबिनाळ, उक्कली आणि उकुमनाळ मार्गे आज पहाटे शिवगिरी येथे पोहोचली. यावेळी शिवगिरी क्षेत्रात पदयात्रेकरूंना स्वागत करण्यात आले आणि विशेष पूजा करण्यात आली.
पदयात्रेच्या मार्गावर सर्व गावकऱ्यांनी भक्तिभावाने पदयात्रेकरूंना पुष्पगुच्छ देत बसवण्णांच्या घोषणांनी उत्साहात स्वागत केले.
या यात्रेत बेंगळुरूचे जगदीश दमनिया, संदीप डिओ, उमाशंकर मेलिगेरे, बी. एस. सज्जन, कृपाकर, हुबळीची रूपा कळिगुड्ड तसेच डॉ. शिल्पा चरंतिमठ सहभागी झाले होते.
विजयपूर सायकलिंग ग्रुपचे अध्यक्ष डॉ. महांतेश बिरादार, उपाध्यक्ष शिवनगौडा पाटील, तसेच सदस्य डॉ. राजू यलगोंड, डॉ. महांतेश होसमनी, डॉ. उदयकुमार जाधव, सचिन पाटील, डॉ. प्रविण चौर, डॉ. चौकिमठ शिवकुमार, अमोघ बसनाळ, ध्रुव मठ, सोमू मठ, संदीप मडगोंड, सत्य विजयन्, शिवानंद यरनाळ, संकेत बगली, उमेश मेटगर, नदीश हुंडेकर, श्रीनिवास, विनय पाटील यांच्यासह शेकडो बसव भक्त उपस्थित होते.
