विजयपूर शहरात मोटारसायकल चोरी प्रकरणातील आरोपी अटकेत – १७ मोटारसायकली हस्तगत
विजयपूर/ प्रतिनिधी- दिपक शिंत्रे
विजयपूर शहरात अलीकडेच मोटारसायकल चोरीच्या घटना वाढल्या आहेत. या प्रकरणांचा तपास करून आरोपींना अटक करण्यासाठी जिल्हा पोलीस अधीक्षक लक्ष्मण निंबर्गी आणि अतिरिक्त पोलीस अधीक्षक रामनगौडा हत्ती यांच्या मार्गदर्शनाखाली विशेष तपास पथक तयार करण्यात आले होते.
या पथकाचे नेतृत्व पोलीस उपअधीक्षक बसवराज यलिगार, सर्कल इन्स्पेक्टर मल्लय्या मठपती (गोलगुंबज विभाग), पीएसआय बसवराज ए. तिप्परड्डी (एपीएमसी पोलीस ठाणे) यांनी केले. उपनिरीक्षक (महिला व बाल विभाग) श्रीमती एन. बी. उप्पलदिन्नी आणि कर्मचारी – आसिफ गूडगुंटी , एस. बी. तेलगांव , लक्ष्मण एम. बिरादार , रमेश जाधव संतोष मेलसकरी आनंद हिरेकुर्बर एस. आर. पूजारी सुरेश कुंबार हे या तपासात सहभागी होते.
तपास पथकाने इंडी रोडवरील ज्योती फॅक्टरीजवळ दोन आरोपींना ताब्यात घेतले असून
1. **वीरभद्र शिवशरण कुंबार** (वय ३१), व्यवसाय: चालक, रा. गणिहार, ता. सिंदगी
2. **श्रीशैल शंक्रेप्पा बिरादार** (वय ३१), व्यवसाय: चालक, रा. गणिहार, ता. सिंदगी
यांची चौकशी करता त्यांनी विजयपूर शहरातील विविध भागांतून चोरी केलेल्या मोटारसायकलींबाबत कबुली दिली. त्यांच्या कडून **१३ होंडा शाईन** व **४ हिरो कंपनीच्या** अशा एकूण **१७ मोटारसायकली** हस्तगत करण्यात आल्या असून, त्यांची एकूण अंदाजे किंमत ₹११,००,०००/- आहे.
या प्रकरणाचा यशस्वी तपास करून आरोपींना अटक करणाऱ्या सर्व अधिकाऱ्यांचे आणि कर्मचार्‍यांचे कार्य प्रशंसनीय असल्याचे जिल्हा पोलिस प्रमुख लक्ष्मण निबंरगी, यांनी सांगण्यात आहे.
