पोहण्यासाठी गेलेल्या दोन तरुणांचा मृत्यू
विजयपूर / प्रतिनिधी- दिपक शिंत्रे
तलावात पोहण्यासाठी गेलेल्या दोन तरुणांचा बुडून मृत्यू झाल्याची घटना विजयपूर तालुक्यातील कुमटगी गावात घडली आहे.
उन्हाळ्याच्या सुट्टी असल्याने सहा तरुण कुमटगी तलावात पोहायला गेले होते. त्यापैकी दोन तरुण पाण्यात बुडून मृत्यूमुखी पडले आहेत.
कैफ जमादार (वय१९) व सोहेल हत्तारकीहाळ (वय२५)हे मृत्यूमुखी पडलेले तरुण आहेत. या घटनेदरम्यान चार तरुणसुखरूप बचावले आहेत . दोघांमध्ये एकाचा घटनास्थळी मृत्यू झाला, तर दुसरा रुग्णालयात उपचार सुरू असताना मृत्यूला मृत्यू झाला. घटनास्थळी ग्रामीण पोलिसांनी भेट देऊन तपास सुरू केला आहे.
