स्वच्छता ठेवल्यास आजार टाळता येतात - शिफा जमादार
विजयपूर /प्रतिनिधी- दिपक शिंत्रे
स्वच्छता आणि आरोग्य यांचा परस्पर संबंध आहे, तुम्ही स्वच्छ असाल तर तुम्ही अनेक संसर्गजन्य आजारांशी लढा देऊ शकता आणि टाळू शकता, असे प्रतिपादन लाडली फाउंडेशन ट्रस्टच्या प्रभारी कुमारी शिफा जमादार यांनी केले.
तिकोटा येथील सरकारी मुलांच्या शाळेत लाडली फाउंडेशन ट्रस्टच्या वतीने तिकोटा, बबलेश्वर, ताजपूरच्या सरकारी शाळांच्या एस.डी.एम.सी. अध्यक्ष आणि सदस्यांसाठी स्वच्छता प्रशिक्षण आणि स्वच्छता किट वितरण कार्यक्रमात बोलताना म्हणाली, स्वच्छता तुमचे शारीरिक, मानसिक आणि आध्यात्मिक आरोग्य सुधारते. स्वच्छ राहण्याचे अगणित फायदे आहेत. पिण्याच्या पाण्याची अपुरी स्वच्छता यामुळे अनेक आजार बळावतात आणि मृत्यू होतात. प्रत्येक विद्यार्थ्याने स्वच्छ पाणी वापरण्याची सवय लावली पाहिजे. लाडली फाउंडेशन ट्रस्ट विजयपूर जिल्ह्यातील 21 सरकारी शाळांमध्ये नवीन अत्याधुनिक शौचालय बांधत आहे. याशिवाय विद्यार्थिनींना एक वर्षाच्या कालावधीसाठी सॅनिटरी पॅड मोफत दिले जात आहेत. आणि डिसेंबरच्या शेवटच्या आठवड्यात 21 शाळकरी मुलांना 4000 स्कूल बॅगचे मोफत वाटप करणार असल्याचे सांगितले.
लाडली फाउंडेशन ट्रस्टचे डॉ. जाविद जमादार यांनी बोलतांना सांगितले की, शासकीय शाळा सुधार समिती अध्यक्ष व सदस्यांना प्रशिक्षण देण्यासाठी व शाळेतील स्वच्छता राखण्यासाठी त्यांच्या सेवांचा वापर करण्यासाठी आम्ही जिल्हाभर कार्यक्रमांचे आयोजन करत आहोत. चांगल्या स्वच्छतेमुळे आत्मविश्वास आणि क्षमतेत वाढ होते. आणि मुलांना दीर्घ, निरोगी आयुष्य जगण्यासाठी चांगली स्वच्छता महत्वाची आहे, असे ते सांगीतले.
कार्यक्रमाच्या अध्यक्षस्थान एस.डी.एम.सी. अध्यक्ष तिप्पण्णा कोन्नूर यांनी भूषविले होते.. तिकोटा तालुका पंचायत माजी अध्यक्ष विजुगौडा पाटील, पी.के.पी.एस. तिकोटा उपाध्यक्ष हाजीभाई कोट्टलगी, लाडली फाउंडेशन ट्रस्टचे जिल्हा व्यवस्थापक युसूफ कोट्टाल, प्राचार्य वाय.बी. वालिकार, एस.एस. सालीमठ, हुसेन बाशा मुल्ला, बी.वाय. मेंडेगार, प्रीती पत्तार, सरिता चक्रसाली उपस्थित होत्या.
तिकोटा, बबलेश्वर, ताजपूर या निवडक सरकारी शाळा सुधारणा समितीचे अध्यक्ष व सदस्य व विद्यार्थ्यांच्या पालकांना स्वच्छता किटचे वाटप करण्यात आले.
