सरकारी शाळेत मध्यान्ह भोजनासाठी ठेवलेला तांदूळ–डाळ खराब : शिक्षकांच्या निष्काळजीपणा ग्रामस्थांचा आरोप
विजयापूर/प्रतिनिधी- दिपक शिंत्रे
जिल्ह्यातील इंडी तालुक्यातल्या लालसंगी गावाच्या सरकारी शाळेमध्ये मुलांना देण्यात येणाऱ्या मध्यान्ह भोजनासाठी ठेवलेल्या धान्यांच्या अयोग्य साठवणीबद्दल गंभीर आरोप करण्यात आले आहेत.
शाळेच्या खोल्यात ठेवलेल्या सुमारे ४० पोती तांदूळ आणि १० पोती डाळीत मृत साप, उंदीर आणि किडे सापडल्यामुळे संपूर्ण धान्य खराब झाले असल्याचा ग्रामस्थांचा आरोप आहे.
ग्रामस्थांनी संशय आल्याने खोलीचे दार उघडून पाहिल्यावर दुर्गंधी, सापांचे मृत समूह आणि संपूर्ण खराब झालेले तांदूळ–डाळ*दिसल्याने सर्वांनी संताप व्यक्त केला.
या प्रकरणाला *मुख्याध्यापक एस. एम. कोळी यांच्या निष्काळजीपणालाच कारणीभूत ठरवत ग्रामस्थांनी त्यांना जाब विचारताना,
“मुलांचे आरोग्य हेच देव” असे म्हणणाऱ्या शैक्षणिक व्यवस्थेतच अशा प्रकारचे प्रकार घडणे दुर्दैवी असल्याची ग्रामस्थांनी टीका केली.
ग्रामस्थ आणि स्थानिक नेत्यांनी मुख्याध्यापकांवर तात्काळ कारवाई करण्याची मागणी केली असून संबंधित अधिकाऱ्यांनी त्वरित हस्तक्षेप करावा, असा त्यांचा आग्रह आहे.
मुलांच्या आरोग्याचा प्रश्न असल्यामुळे, खराब झालेले सर्व धान्य तत्काळ टाकून देऊन जबाबदारांवर कठोर कारवाई करावी, अशी ग्रामस्थांची मागणी आहे.
